ანუ როგორ არ გამოგვრჩეს ახალი პოსტები საყვარელი ბლოგებიდან 🙂
”RSS ვებ წყაროების (feed) ფორმატების ოჯახის წარმომადგენელია და ხშირად განახლებადი ინფორმაციის (ბლოგის წერილები, ტვიტერის სტატუსები, ახალი ამბები) გამოსაქვეყნებლად გამოიყენება.” – ვიკიპედია
მაგალითისთვის ბლოგი ავიღოთ. არსებული სკრიპტების უმრავლესობას უკვე აქვს RSS დოკუმენტის დაგენერირების შესაძლებლობა. ეს არის განსაზღვრული ფორმატის ფაილი, რომელშიც ის ყველაფერი წერია, რაც ბლოგზე, მხოლოდ არა ადამიანის, არამედ პროგრამისთვის აღქმად ენაზე. პოსტების სათაურები, პოსტები, გამოქვეყნების თარიღები და ყველა დანარჩენი ინფორმაცია. ასეთი დოკუმენტის მაგალითია xml ფაილი http://samurai.ge/feed/ ბმულზე. მაგრამ რისთვის არის საჭირო ბლოგის ასე გადაწერა, როცა ისედაც მოხერხებულად ვკითხულობთ ადამიანურ ენაზე?
ასეთი feed-ების წასაკითხად სპეციალური აპლიკაციები/საიტები არსებობს. მაგალითად, ერთ-ერთი ყველაზე გავრცელებულია Google Reader. ამ Reader-ის საშუალებით ’გამოვიწერთ’ ბლოგებს 🙂 (ან თუნდაც სხვა ტიპის საიტებს, რომლებსაც RSS feed გააჩნიათ). გამოწერაში იგულისხმება, რომ თქვენს რიდერში თავს მოიყრის ყველა პოსტი, რაც ’გამოწერილ’ ბლოგებზე გამოქვეყნდება. ისინი თარიღის და საიტების მიხედვით ლაგდება. თანაც მიგითითებთ, რომელი სიახლე წაიკითხეთ უკვე და რომელი – არა.
კიდევ ერთი რამ, რაც ძალიან მომწონს, სიახლეების sharing-ის შესაძლებლობაა. ანუ, თუ ვთქვათ მეგობარმა ზე-საინტერესო პოსტი ნახა რომელიმე მის გამოწერილ ბლოგზე, შეუძლია ის სხვებს ’გაუზიაროს’ : ) სხვებში მისი google მეგობრები იგულისხმება, ანუ კონტაქტები. ამიტომ გემრიელი რაღაცეები შეიძლება ისეთი საიტებიდან მოგივიდეს, რომ არც გქონდეს ნანახი..
უარყოფითი მხარეც არის, რა თქმა უნდა 😀
მკითხველში ყველაფერი ერთნაირია გარეგნულად. მხოლოდ ტექსტი და ფოტოები. ბლოგების დიზაინი კი არსად ჩანს 🙂 მე კი ვთვლი, რომ დიზაინი (საერთოდ ბლოგის გარეგნული გარემო) ძალიან მოქმედებს პოსტის აღქმაზე. ამიტომ საყვარელ საიტებს მაინც ჩვეულებრივ პირდაპირ ვსტუმრობ და არა რიდერის გამოყენებით 🙂
პ.ს. Google Reader-ით სარგებლობისთვის google-ის ექაუნთია აუცილებელი. (თუ ჯერ არ გაქვთ, შეგიძლიათ დაარეგისტრიროთ ბმულზე : ) )
მე მიყვარს გუგლ რიდერი )))
დიზაინს რაც შეეხება, იქვე არასოდეს არ ვკითხულობ, ბლოგზე გადავდივარ. უბრალოდ რიდერი ძალიან მოსახერხებელია საიტის განახლებების გასაგებად. ანუ არ მჭირდება ვიღაცის ბლოგზე დღეში 9ჯერ შესვა იმის შესამოწმებლად, რამე ახალი ხომ არ დაწერა. რიდერი თავისით მატყობინებს და ვცოვრობ ბედნიერად გუგლთან ერთად )))
ხო, შენი ბლოგი ახლა აღმოვაჩინე, შენი კომენტის წყალობით )) და რა თქმა უნდა ბლოგროლში გამატებ (და რიდერშიც რა თქმა უნდა)
პ.ს. შენც დამამატე თუ არ შეწუხდები ))
🙂 ოკ. მეც დაგამატე..
მე ის ვერ ვიპოვე, აი, ახალი დამატებული კომენტარების შესახებ რომ მივიღო შეტყობინება, რა ვქნა და სად ვქნა? :ლოლ: სეთინგებში?
@Sophie Golden
რადგან მე ბლოგსპოტთან არ მაქვს შეხება, ზუსტ ადგილს ვერ გეტყვი 🙂 მაგრამ როგორც წერენ, მანდ სადღაც უნდა გქონდეს Blogspot Comments Settings. და იქ Comment Notification Address ველში უწერ იმ მეილს, რომელზეც გინდა რომ შეტყობინება მოგივიდეს.
თუ არ უშველის, მითხარი და გაგირკვევ უფრო ზუსტად 🙂
კი, კი, გავაკეთე. მადლობა, Samurai Girl.